​လူလောကထဲကနေ စောစီးစွာ ထွက်ခွာသွားတဲ့ ရေမွန်နဲ့ ပတ်သက်ပြီး အမှတ်တရဗီဒီယိုလေး ထုတ်ပြလာတဲ့ အုပ်စိုးခန့်

ယနေ့ မှာတော့ rock သီချင်းတွေကို အမိုက်စား သီဆိုတတ်တဲ့  Idiots အဖွဲ့ဝင် ရေမွန်တစ်ယောက် ရုတ်တရက် ကွယ်လွန်ခဲ့တာဖြစ်ပါတယ် ။ အရည်အချင်းရှိပြီး ငယ်ရွယ်သူလေးမို့ အားလုံးက နှမြောတသ စိတ်မကောင်းဖြစ်နေကြတာလည်းတွေ့ရပါတယ် ။ တစ်ချို့ကလည်း သူရဲ့ နာမည်ကြီးခဲ့တဲ့ သီချင်းစာသားလေးတွေကို အမှတ်တရရေးရင်း ဝမ်းနည်းကြောင်းတွေ ဖော်ပြခဲ့ကြတာတွေ့ရပါတယ် ။ 

ဒါ့အပြင် အနုပညာရှင်များစွာကလည်း စိတ်မကောင်းဖြစ်မိကြောင်းကို အမဲရောင် ပရိုဖိုင်များ ချိန်းကာ ဝမ်းနည်းကြောင်း ဖော်ပြခဲ့ကြတာတွေ့ရပါတယ် ။ လူ့လောကထဲကနေ ရေမွန်တစ်ယောက် ပျောက်ကွယ် သွားပေမယ့်လည်း သူရဲ့ ခံစားချက်အပြည့်နဲ့ သီဆိုခဲ့တဲ့ သီချင်းတွေကတော့ ပရိသတ်တွေရဲ့ ရင်ထဲမှာ အချိန်တိုင်း ရှိနေမယ်ဆိုတာ ယုံကြည်မိတာ အမှန်ပါပဲ ။

အခုလည်း အုပ်စိုးခန့်က သူရဲ့ လူမှုကွန်ရက် စာမျက်နှာလေးထက်မှာ ရေမွန်နဲ့ အတူ ဆုံတွေ့ခဲ့တဲ့ အမှတ်တရ လေးတွေကို ပြန်လည်ဖော်ပြလာပါတယ် ။ ပုံရိပ်လေးတွေအပြင် Show ပွဲနောက်က သီဆို မဖျော်ဖြေခင် အမှတ်တရ ရိုက်ထားတဲ့ ဗီဒီယိုလေးတွေနဲ့အတူ ” အကိုရေ…. မစောလွန်းဘူးလားဗျာ….ညီကိုအမြဲတမ်းအရင်လို မဆုံးမတော့ဘူးလားဗျာ…ညီတို့အတူတူအမြဲပျော်ပီးစနောက်တာတွေမရတော့ဘူးလားဗျာ အကိုရေ!!! အကို.! Rest In Peace ပါချစ်ဆုံးကိုကြီးရာ …. ” ရေးသားဖော်ပြထားရာ ပရိသတ်ကြီးအတွက် ပြန်လည်ဖော်ပြပေးလိုက်ပါတယ် ။

Yuan – Cele Zone

Photo – Oak Soe Khant