ကိုယ်တိုင်ရေးစပ်ထားပြီး စိုးပြည့်နဲ့အတူသီဆိုထားတဲ့ ပျော်စရာစုံတွဲသီချင်းသစ်တစ်ပုဒ်ကို ချပြတော့မယ့် မိုးမိုး

သီချင်းကောင်းလေးတွေကိုဖန်တီးသီဆိုတတ်တဲ့မိုးမိုးဟာ သံစဉ်ချိုအေးအေးလေးတွေနဲ့ ပရိသတ်တွေကိုသဘောခွေ့စေခဲ့တဲ့ စိုးပြည့်သဇင်နဲ့အတူ စုံတွဲသီချင်းလေးတစ်ပုဒ်ဖန်တီးနေတဲ့ ပုံရိပ်လေးတွေကို လူမှုကွန်ရက်မှာဝေမျှခဲ့ပါတယ်။ ဂီတသက်တမ်း ကြာမြင့်ခဲ့ပြီဖြစ်တဲ့မိုးမိုးဟာ သီချင်းကောင်းများစွာကို ရေးစပ်သီဆိုခဲ့သလို သရုပ်ဆောင်အပြင် အဆိုကိုပါအားသာတဲ့ စိုးပြည့်ဟာ ဖခင်ရဲ့ အဆိုဝါသနာလက်ဆင့်ကမ်းသူလေးဖြစ်ခဲ့ပါတယ်။

သမီးလေးအသံသွင်းတာကို ဖေဖေကပါလိုက်ခဲ့ပြီး စတူဒီယိုမှာ ပျော်ပျော်ရွှင်ရွှင် ဓာတ်ဖမ်းခဲ့ကြ ပါတယ်။ သရုပ်ဆောင်ပိုင်းမှာလည်း ထူးချွန်သူမို့ အကယ်ဒမီဆုကို ထိုက်ထိုက်တန်တန် ရထားသူလေး စိုးပြည့်ရဲ့ သူမရဲ့ဂီတအစွမ်းအစကိုလည်း ချပြချင်တာကြောင့် သီချင်းခွေတစ်ခွေလည်းထွက်ခဲ့ပြီး ပရိသတ်တွေရဲ့အားပေးမှုကိုလည်းရခဲ့ပါတယ်။

 

နှစ်ယောက်အတူအသံသွင်းနေတဲ့ပုံရိပ်တွေကို ” ပျော်စရာ စုံတွဲသီချင်းလေး အပြီးသတ် အသံသွင်းကြ ” ဆိုပြီး မိုးမိုးကတင်ထားတာပဲဖြစ်ပါတယ်။ ပရိသတ်တွေက အသစ်အသစ်သော ဖန်တီးမှုတွေကို နားဆင်ရတော့မှာမို့ စိတ်လှုပ်ရှားပြီး ပျော်နေကြတဲ့မှတ်ချက်တွေပေးခဲ့ကြပါ တယ်။

Happy – Cele Zone
Photo – Moe Sithu Kyaw